أصـــــــــــــــــداف

أصـــــــــــــــــداف

منتدى الشاعر معز عوض أبوالقاسم


    رحيل ماركيز و(غبُن) المبدعين

    شاطر
    avatar
    معز عوض
    Admin

    عدد المساهمات : 254
    تاريخ التسجيل : 13/10/2010
    العمر : 34
    الموقع : http://asdaf.ba7r.org

    رحيل ماركيز و(غبُن) المبدعين

    مُساهمة من طرف معز عوض في الجمعة 18 أبريل 2014, 22:28

    (لن يتذكرك أحد من أجل ما تضمر من أفكار ، فأطلب من الرب القوة والحكمة للتعبير عنها)

    مقولة خالدة لـ(ماركيز) الذي دخل في عزلته الأبدية ..
    ليس غريباً أن يموت المبدعون ، ولكن الأغرب هو إهتمام الدوله بهذا الأمر

    النص التالي هو ما ذكرته كل المواقع الإليكترونيه عن وفاة ماركيز ، قمتُ بإقتباسه لنرى الفرق بين مبدعينا ومبدعيهم :

    ((اعلن الرئيس الكولومبي خوان مانويل سانتوس وفاة الكاتب غابريال غارسيا ماركيز، الخميس، في منزله في مكسيكو عن عمر 87 عاما.

    وأعلن سانتوس (رئيس كولومبيا) الحداد الوطني لمدة ثلاثة أيام على غارسيا ماركيز. وقال "تخليداً لذكرى غابريال غارثيا ماركيز أعلنت الحداد الوطني لمدة ثلاثة أيام" وذلك في كلمة مقتضبة عبر التلفزيون.

    وأمر الرئيس أيضا بـ"تنكيس الأعلام في كل المؤسسات العامة". وقال "نأمل أن يفعل الكولومبيون الشيء نفسه في منازلهم".))

    لاحظوا الآتي:
    - الرئيس الكولومبي (بي رقبتو) أعلن وفاة الأديب ماركيز ...

    وممكن أقسم بالله إنو عبد الرحيم محمد حسين لسه ما عارف إنو (حميد كلو) مات ، ده لو عارف أصلاً إنو في زول زي ده ..

    أحيييييييييييييييييييييييييييييييييييييييييييييييي

    وطبعاً سعادة رئيسنا بكون عرف بي وفاة (الدوش كلو) شهر إتنين الفات ده ، وأكيد ما بكون عرف نافع بي وفاة (محجوب شريف كلو)

    أحيييييييييييييييييييييييييييييييييييييييييييي

    وشوفوا النظام قال شنو لمن مات (محجوب شريف كلو) :
    (مما يزيد الحزن والأسى سماع أو قراءة صكوك الغفران التي يصدرها كهنة النظام بحق محجوب شريف.. بوقاحة لا توصف يطمئنونا بأن محجوب نطق بالشهادة قبل الموت فهو إذن قد تاب وتخلى عن ماضيه النضالي!!! ويستخلصون من أشعاره أنه طالما تقبل حقيقة الموت فقد مات إذن على دينهم!!!

    << المقال منقول من الرشيد الماحي>>

    و(بهنس كلو) يموت من البرد في رصيف مصر ونحن نكرم في وزير السدود ..

    أحييييييييييييييييييييييييييييييييييييييييييي

    وفي بعض ناس الحكومه قال إنو (حميد كلو) ما يندفن في مقابر المسلمين ...
    طيب المسلم منو هسه !!!!!!!!!!!!!!!!!!
    القتل نص اهالي دارفور ، وللا الأحيا مليون مهمش وطلعن للحياة !!
    الأباد ناس جبال النوبه ، وللا الغنى ليهم !!!
    الفصل الجنوب ، وللا الوحدو بي أشعارو !!!
    الشرَّد الشفع واغتصبن ، وللا اللماهن على قصايدو !!!!
    (الكتَل) عيوشه ، وللا (الكتَب) عيوشه !!!!!؟؟؟؟؟؟؟؟؟؟

    أحيييييييييييييييييييييييييييييييييييييييي

    - أعلن الرئيس (الكولومبي طبعاً) الحداد الوطني لمدة ثلاثة أيام ....

    وهنا يموت (حميد كلو) و(أم درمان تغني حبيبي آه وودادي وين وحبيبتي آه
    والباقي كلو مقابلات)
    ويموت (محجوب شريف كلو) وسعادتو يقرر ويتنقز والشعب (يسيِّر) فيهو
    ويموت (الطيب صالح كلو) ويعملو ليهو حتة شارع بي لافته واقعه في الواطه
    ويموت (الدوش كلو) ويواصلو في أخبارن وزيفن
    وحيموت (سيف الدين الدسوقي) ويغنو ليهو (إنت ياداب إنتهيت)

    أحيييييييييييييييييييييييييييييييييي

    - أمر الرئيس (أكيد ما رئيسنا طبعاً) بتنكيس الأعلام في كل المؤسسات العامة ..

    بالمناسبه دي ، دحين علمنا شالوهو معاهم الجنوبيين وللا قاعد ؟؟؟؟؟؟؟؟
    وهو ده أصلاً كدى كدى منكّس ومنكِّسا علينا ..
    ما تنكسوهو طيب !!!

    أحيييييييييييييييييييييييييييييييييييييييييييييييييييييييييييييييييييييييييييييييي


    _________________
    [size=18]ما بصنع التاريخ خؤون
    وما ببني باكر
    إلا زول
    شايل معاول الكلمه سيف

    [/size]

      الوقت/التاريخ الآن هو الجمعة 14 ديسمبر 2018, 11:17