أصـــــــــــــــــداف

أصـــــــــــــــــداف

منتدى الشاعر معز عوض أبوالقاسم


    بوح الروح

    شاطر
    avatar
    معز عوض
    Admin

    عدد المساهمات : 254
    تاريخ التسجيل : 13/10/2010
    العمر : 34
    الموقع : http://asdaf.ba7r.org

    بوح الروح

    مُساهمة من طرف معز عوض في الإثنين 05 مارس 2012, 04:31

    بتتاوق الحين يا خلق
    من طاقة الشوق الرحيم واللهفه فرناقة الصدق
    سبحت لالوب السكك مرقت شوارعك تنطبق
    فترانا خيل الامنيات محبوسه في واقع صفق
    باكيك هياج الموج خرير دماعو في القيف ترتفق
    عمرك من الشوق كم حرف
    بيت النزوح فاتح مسام اللوحة تجريد في الوصف
    من فوق سباتات الوطن عسكر هواك جواي مشاك في القيف نشف
    شوف المراويد التضلم بي حواف شط العيون فترانا كيف
    ذرات فتات الكحل اتثنت خجل جات انقى ضيف
    تففن مناجات الصرير لي باب مشاعري الوصدو الشوق بالجنون نقط محاباة السكون وانشر بوح الروح نضيف
    مفرق ثوانيك من هطول الساعة في الخربانه صيف
    اسمع لبايش الحوت علي دفة هواي بيفلق الهم بي النزيف
    السترة ساعة الليل سدل شال السواد في الواطة مشروره النجوم تتصف للقمر الشريف
    واقف بزين نفسو في مراية البحر احلامو من زمن السماح الشق شك الشوفه سيف
    عارفو القمر من يوم فتح فينا الشبابيك للخيال استعصم الآفاق قعد كر النجوم جاط السحاب فرفر وسايد الرجعه قيف
    تتبلم الشمس المدى وتبكي الغيوم من وحشة الضو الشفيف
    وانا لسه حالي المشتهيك جاييك بدودر في الدروب الدون تواصل ساي تقيف
    يا بوح موقد مهرجانات الضحك سيرة الرزاز لي وش اديم القلب في الريد الخريف
    مكسوره سنارة العشم لو من طحالب شوفا ستفت البصر
    رشت حواري الموجه مد جزرو السربات التفلي الواطه من حمى المطر
    راكوبة الاحساس سعف مدت ضراع الدهشه للطين والبحر
    ياك انت ما بتتاوقي ساي
    عارفك ولا بتتاوقي ساي
    بتعشي ضيف الكلمه من شهدك وتر
    مدلوقه طمباره ومسور للكدح البدو و الحضر
    خط التماس للميس معاك انك كما فال منتظر
    لون التساب في زيك النيل اتلبس طرقه سماح طوقين وشاح مكبوبه في الشوف والنظر
    والدون مداين فرحتك حاكر اساو في جوفو متمغي السهر
    شمسك علي اتعززت قطعت رحط خيط الضلام من تاني عادت للزوال
    ولساتا بتتاوق خيال
    يخربني من ضيك قبس متحكر الهم المجال
    مجلوبه سفن الشوق رهن لي جيتك بين اشتهاك والنور وصال
    متحزم النبراس فضاءات الشعور الروح مبيته في قوا الليل تستبين عتراتا من ضحك الجهال
    وانا بين الاقيك الآماني الستره بين اشتل وجود البكره في حور الضفاف اليانعه بيناتك جمال
    مجمل تفاصيل القصيده الفصلت ذات الحقيقه بتصطفيك
    والضل مشتت في السراب لساتو برضو بيشتهيك
    والشم قبال الليل بتتعررق من الوحشه الحتسكن شوف شعاعاتا التجيك
    وانا رغم ما شفتك علم في جوفي حد ما التقيك
    مآمون علي طيفك اذا في غابر الشوق احتويك


    _________________
    [size=18]ما بصنع التاريخ خؤون
    وما ببني باكر
    إلا زول
    شايل معاول الكلمه سيف

    [/size]

    عمر مبارك الامين

    عدد المساهمات : 18
    تاريخ التسجيل : 13/01/2011

    رد: بوح الروح

    مُساهمة من طرف عمر مبارك الامين في الأربعاء 07 مارس 2012, 05:43

    روع تتربع عرش الإبداع

      الوقت/التاريخ الآن هو الجمعة 14 ديسمبر 2018, 11:18