أصـــــــــــــــــداف

أصـــــــــــــــــداف

منتدى الشاعر معز عوض أبوالقاسم


    نص عنوانو معاي

    شاطر
    avatar
    معز عوض
    Admin

    عدد المساهمات : 254
    تاريخ التسجيل : 13/10/2010
    العمر : 34
    الموقع : http://asdaf.ba7r.org

    نص عنوانو معاي

    مُساهمة من طرف معز عوض في الإثنين 05 مارس 2012, 03:50

    خارج نطاق الروعه قاعد في الخيال وانا ياني جنبك زول وريف
    هو الحزن معطوب الرسن والليل بلا عيدك مع انجم صفاهو كفيف
    مطلوق وقيد ذمة حنانك وجهتو شاعر برص ضاحية مزاميرك منصب بيك حصيف
    انا والقصايد التنحر الاحساس سمايات للفرح متوسدين وهج احتفالات السحاب بي يوم مروقك للثواني دهور خريف
    بت المطر شالت منى الاشواق علي الضو الفتح من باب نواصي الدهشه اطلال الربيع
    قعدت مع الروح بانتساب الطول علي الافق التناديهو الاراضين يا وضيع
    ما كان مروقك للبشر صدفه
    ما لاذ وهج لمح المرايا علي المقل ختفه
    خنقتى عوارض الزيف بالظهور ممشوقه بتحدد قوافل الرجعه لي بيت مبتدا الآمال معاك
    وقت استلاب البهجه جيتي وكان قصادك شارع الليل وانتفاخ اورامو فينا سجنت شح الحال علي قيفة عيونك واتملت عبق الازاهير بي قفاك
    وانا طبلة الما هج نسمك رقصو سوا البدايه رحط غناي واتقفا رسمك بي وراك
    جيتينا من لاوعي فينا بتملصي الشقا من عبايات الكلام الرك في ناصية هواك
    كان يوم ولادة طفله تكبر سن مفاهيم الخلايق بي مراحل انتحار الضو قصاد ضي بسمتا
    كان ائتلاف فكرة تخيل بي حقيقة اتكونت يوم جيتا
    خطوك علينا كما نقش رمل البحر في قيفه اصلا حقتا
    ملت السلام عفة تواضعو اتمجلست عجنت عقولنا وحلتا
    وفي محلتا
    فتحت نفاجات للاريج بعد احتضار دام دون وصولا الى متى
    وطلعتي بذره رحمه للزمن المدان
    جيتي احتشاد للروعه في كبتة قدر وسرت فينا البسمه نجدتي الحنان


    _________________
    [size=18]ما بصنع التاريخ خؤون
    وما ببني باكر
    إلا زول
    شايل معاول الكلمه سيف

    [/size]

      الوقت/التاريخ الآن هو الجمعة 14 ديسمبر 2018, 11:18