أصـــــــــــــــــداف

أصـــــــــــــــــداف

منتدى الشاعر معز عوض أبوالقاسم


    الى الرفيق بعد التحيه

    شاطر
    avatar
    معز عوض
    Admin

    عدد المساهمات : 254
    تاريخ التسجيل : 13/10/2010
    العمر : 34
    الموقع : http://asdaf.ba7r.org

    الى الرفيق بعد التحيه

    مُساهمة من طرف معز عوض في الإثنين 05 مارس 2012, 03:38

    وحم المسافات اجهضك
    من غربة مردغت الحشا
    من شاي مع نفس الصباح
    رئة المراجيح صبحت عينيك
    ضل الوحشه من الدهشه هو اتوارى اختشا
    كضاب اذا ساق السراب
    لي بال اقاصي اللوعه
    جابك للسفر
    وزجاني في رحم الفراق
    خلاني فوق همي ومشا
    وانا رغم شوق البين
    مفارقك يا رفيق
    ما تنسا تفتح شاني
    اصغر طاقه واتنسم صفاك
    متروسه ضفات الوجع
    واهو طميك اترنح
    علي جسد الانين
    وانا عارفو صمتك من وفاك
    لا قادر انت تجبد
    المد والحنان
    من قيف سهول فرحي وشذاك
    لا برضك ينهال الوداد
    في بوح مرافيني ودناك
    ومشيت
    بتتفتقد صرير الدهشه
    فوق بيبان هواي
    الطرقعو المشي لي غناك
    غنينا ما غنيت براي
    محشوده شوف
    من بؤرة الحس النقر
    عز الهجير
    حر لفحة الجوف
    الشوى الشوق في غناي
    وانا وجدك الماسك
    لجام الفرحه فوق شبال سماي
    بتوسمك رفقة وحديقه وقيف ورد
    فارع بتشرب من مداد الذات
    ملاذات للآمل
    واللهفه عز الليل
    بتتراتل علي الشوق الورد
    وانا بين شموق حرفك
    متاكي صحون دنوني عليك
    اكان بالقول يرد
    حلفتك الشوق يا رفيق
    تمتم ترانيمك
    لعل يتعافى جيد الكلمة
    من سلسل تلاتيق الحديس
    عصب نواة الجمله
    لو فرسان زمانا
    اتقيفوبا علي الرخيس
    اصرخ رعود
    كان ماضي روح الوادي اتراجع يعود
    ينفض ورم هم العراجين الحبيس
    واهو لسه نتعاطا الكلام
    الفي شوارع الحله راقد هردبيس
    وانا بين تعاويذ الشجون
    حس همسك الموج والخريف
    يا زول حقيقه اشتقت ليك
    فاقداك مسامات الملامح
    واحتساء نبل القوافي
    على ضفاف المتعه والروح تلتقيك
    وانا بينك الضل
    واجترار احساس معظم بالنضم
    لكني في اصل الحقايق وين اجيك
    انت المساحات الشواسع
    واخضرار القول
    وسط غابات غنانا النشفه الجري بالسحيك
    لكن عليك وطنك
    اذا نطق القلم ابا يتمسك
    تهجر سنونو على الورق
    بهديك دما الشوق المداد
    وارجاك انا وسر احتفالك ومقلتيك
    وانت المتوج فينا اكبر
    اكبر من تراجيديا انكفت
    في نص عزف طمبورو شاعر في الدنا
    انت الحلال
    في قيف بقت تتمطا فيهو
    الارتهالات الهزيله المدمنه
    وهج اختلاسات الشوارع
    فوق رقاريق البنيه العافيه
    احلك من ضلامات الليالي وادجنه
    شتت صباح الصحه
    في علة مخادات الحروف
    وطن نواة الفكره
    في لب القصائد مكنة
    قدرك تصارع في جواهل القول
    مبارزه بالحروف
    لا تنى سيف الفك كلام
    لا هز مغزاك الغنا
    راجين خبر نصر الحقيقه
    على الزوالات الغزت
    بيبان خيلات الشعر
    راجين مصافحة الروادي
    اجراس نغايم القصه بي زي مزدهر
    راجين ندايدك في الفهم
    يستلو انياب الكلام نهشا
    علي الادب العكر
    يا زول ولا بتفات علاك
    بشر صباح الروح فكر
    وانفخ جوانا الابتهاج
    عكفات منانا عليك بتستوي
    يا سليل البحر يا سيل منهمر


    _________________
    [size=18]ما بصنع التاريخ خؤون
    وما ببني باكر
    إلا زول
    شايل معاول الكلمه سيف

    [/size]

      الوقت/التاريخ الآن هو الجمعة 14 ديسمبر 2018, 11:18